Ik luip even om t hoes tou, toun kwam ik mien buurman tegen,
Moi Hinnerk, man, wat was t wat mit dij regen,
Mit aal dij natten was t veur de boeren n strop,
Mor t is weer dreug en wie kinnen toene weer op.

   Zo moutve t holden,
Zo moutve t holden.
As t aits kin.
Zo moutve t holden,
Zo moutve t holden.
As t aits kin.

Ik ging lest noar Zoltkamp, ik was der in joaren nait west,
t Was twinteg joar leden, toun was ik doar veur t lest,
Mien laive tied, wat is t doar mooi aan t Lauwersmeer,
En aal dij nije plannen vergeet ik laiver weer.

   Zo moutve t holden,
Zo moutve t holden.
As t aits kin.
Zo moutve t holden,
Zo moutve t holden.
As t aits kin.

Wat stonk ons woater vrouger voak bie haarfstdag,
En ie waiten ook wel dat t nait aan n bunzel lag,
Toch wordt t zo schoon dat elk en ain weer zwemt,
Wel t eerst vernemt, dij het t din zulf in t hemd.

   Zo moutve t holden,
Zo moutve t holden.
As t aits kin.
Zo moutve t holden,
Zo moutve t holden.
As t aits kin.

De ain zegt 'Grunnegers', de aander 'boers' of 'plat',
Mor t dialekt zat toch wat op zien gat,
Toch wordt t de leste joaren nogal n bult aan doan,
En as t aan mie legt zel t nooit noar de bliksem goan.

   Zo moutve t holden,
Zo moutve t holden.
As t aits kin.
Zo moutve t holden,
Zo moutve t holden.
As t aits kin.