ik zèn mè m'n vraa nor den huisdoktoor gegaan,
nor den huisdoktoor gegaan
want ze was altijd zo muug. . .da begost al 's morgesvruug
dus ik teende mè m'n griet, nor den dokter op visiet
't zèn mor zenuwe, 't zèn mor zenuwe, zee diê witte frak
mè wa pille en e spuitje is da d'in de zak
't is ni da'k het ni wist, mor go toch is beslist
nor ne goeie specialist
mokt U zich vooral ni bang. . . 'k krijg van U 300 frang 

ik zèn mè m'n vraa, nor de specialist gegaan, nor de specialist gegaan 
want ze kloeg mor steen en been ... en ze blètte rink-on-een 
daarom vroeg ik heur, waddist ... gon we nor de specialist 
U hebt gramstafylokokken in de veganine 
intramusculaire gonorrhoe mè glycerine 
pakt poeiers Dr.Mikk, en helpt da gin chik 
go dan rap nor de kliniek 
mokt U zich veural ni bang. . . 'k krijg van U 3000 frang

ik zèn mè m'n vraa, nor de kliniek gegaan, nor de kliniek gegaan 
ze was ziek gelak nen hond. . . van de maandelijkse stond 
dus ik dee mè grote schrik . . mijn madame nor de kliniek 
operere, operere, zee de groten baas 
oewe gal diê moet er uit, en ook oe waterblaas 
ge zè terzelvertijd oew eiertakke kwijt 
as me mes teminste snijdt 
mokt U zich veural ni bang .... da kost 30.000 fraing

m'n vraa heeget dan op e lopeke gezet, op e lopeke gezet
en ze koerste lak as zot. . .volle gas t'rug nor heur kot
en ik a-la-bonheur, vierklaawes achter heur
'k zèn geneze, 'k zèn geneze, riep ze vol paniek
en na nooit of van ze leve weurrek nog is ziek
ik wârk mà kapot, ik roemmel en ik frot
mè den dweil en de schotelvod
'k zèn oe meid en oe maitres, . . want ik wil ni onder 't mes ! !

beste manne, a d'oe vraa ook is karotte trekt 
denkt dan on de zedeles die in dees lieke stekt 
' n vraa is deur d'n band. . 'ne grote comeedjant 
mor ze valt rap deur de mand 
van den danig grote schrik, veur e mes en 'n kliniek 
van 'n spin en e serpent, van ne vieze vuile vent 
van te slape buitenhuis, van den bliksem en 'n muis 
van e moeilijk kinderbed, en van honderd gramme vet 
van den afwas in de koem, en van heuren aawerdoem 
van de roddel in de buurt, a de straat ni is geschuurd ...