Op de tv is ‘n jonge pastoor
die niet mag luuden met de klok
Twee presentatoren, twee politici
en ‘n vrouwelijke kok
Ze praoten samen over dizze tied
Iederiene döt zien best
Koeln in de weg
en de gasten mar umzeiln
De concentratie wordt der test

De jonge pastoor,
hij kreeg ‘n filmpie te zien
Interviews met klagende buurn
De klokken waarn volgens hunnie
veuls te hard
En op onchristelijke uurn
De helper van de heer
deu al ‘n compromis
Ien minuut geluu inplaats van drie
Mar de buurt en de talkshowmensen
en ‘t publiek
die begrepen ‘m bijna niet

Hij wul de klokken laoten luuden
De bellen laoten heurn
Hij wet de boel löp leeg
Mar dat zal hum nie gebeurn
Hij wul de klokken luuden
Juust nou in dizze tied
Hij wul de redding van zien redder
Mar ok die heurt ‘m bliekbaar niet

Alles wes op paniek in Rome
Animo is weg
De tied is anders
De magie is vervleugen
Het heilige verlegd
En op tv zetten ze ‘m best wel veur schut 
‘n Pastoor die echt nog denkt dat God de gene is die ‘n taofel dekt vol
vrede
En daorbij ook nog liefde schenkt

Wat ‘n beproeving
veur dizze herdershond
Reken mar dat hij der goed van baalt
De herder stiet te fluiten
op de bluijende heide
Mar de kudde is verdwaald