Raozende vrachtwagens
Raozende regen
Blinkende lampen
op de donkere wegen
Opiens zie ik ‘t weer veur mij
Mien golden kasteel
De ienigste plek
Waor ik nou wél wezen wul

Boben op ‘n strobult
Alles blauw, gruun en geel
Dichtbij de hemel
Ver van de weerld
Boben op ‘n strobult

An het eind van de zomer
Achter op ‘t laand
‘n combine vrat zich ‘n weg
naor de verre overkaant
En ‘t stro kwam in pakkies
En ze bleben mar stapeln
As de boer weg was beklöm ik gauw
die toren van Babel

Nooit meer ben ‘k zo rustig west
Dat he’j dan bij God nie deur
Misschien was dat mar beter ok
Misschien is dat mar beter ok

Stro zit in plastic nou
In gigantische rollen
‘t lig tot an de horizon
vol met grote witte bollen
‘k heb der ooit wel ‘s op zeten
mar ‘t haalt het ja nooit
bij ‘n vrije woensdag middag
onder de leeuwerds in ‘t strooi