Ik hol van Grunnen, ons mooie Grunnen.
k Bin hier geboren, bie Martinitoren.
Hier wil k ook wonen mien haile leven laank.
Grunnen, de streek veur joe en mie. 

Elk dörp het n feestweek, elk gat viert kermes.
Op Waarvum Roakeldais, ien Klooster karnevaal.
Joa, ast op stap gaaist, din zigst t overaal.
Ien Grunnen, doar vieren we aaltied baal. 

Ik hol van Grunnen, ons mooie Grunnen.. 

Ja elke zummer weer surven op t Laauwersmeer.
Swemmen ien t Potterwollermeer. 
Voaren op t Zuudloardermeer.
Of mit de boot noar t aailaand Schiermonnekoog.
Ja Grunnen, is mooi as n regenboog. 

Ik hol van Grunnen, ons mooie Grunnen.. 

En as t winter is, t ies op t wotter ligt.
Hoal k scheuvels oet t vet, din hebben we dolle pret.
En scheuvel ik route, van Stad en Ommelaand.
Ons Grunnen, dat is n prachtig laand. 

Ik hol van Grunnen, ons mooie Grunnen.. 

Van Laauwersee, tot aan de Dollard.
Van buurman Drente tot aan de t Wad.
Al nuigen ze mie ook veur n raaiske noar de moan.
Ik goa oet Grunnen nooit weer vandoan. 

Ik hol van Grunnen, ons mooie Grunnen.
k Bin hier geboren, bie Martinitoren.
Hier wil k ook wonen mien haile leven laank.
Grunnen, de streek veur joe en mie. 

(tekst Bert Schaap)