Laot mi-j de kaste uut, laot mi-j toch de kaste uut
Ik zit hier al zo lange, ik veul mien slecht
Geet den keerl van ow dan nooit meer weg
'k Mot zo hiemen en ik bun benauwd
Hoo kon ik wetten dat i-j waarn etrouwd
't Stok mi-j neet wat of hee dut, laot mi-j de kaste uut

Gisteraovend hadde wi-j 't haeveg naor ons zin
Ik brach ow naor ow huus op an, i-j neugen mi-j der in
Zeute zat de heite leefde beiden in 't blood
Dan wet i-j wat ow knip en wet i-j neet meer wa'j nog doot

Wi-j waarn met ons beiden zo helemaol alleen
Een kikvors veur 't vensterglas had zowat nooit ezeen
Maor too gong de deure los en ik heurn een gereer:
Annie, deerntjen, bun i-j daor, owwen Bennie is der weer

Kammezeultjes, onderkleedjes, brengt mi-j kats van 't rit
Al dat mooie grei waor ow leve lief in zit
Maor dee vieze motteballe brengt alles umme neer
Laot mi-j toch de kaste uut, i-j zeet mi-j hier neet weer