Die Kaap is weer Hollands, daar's 'n nuwe goewerneur
Dis 1803 in die kasteel in ou Kaapstad
En al langs die trappies loop Lady Ann Barnard
Vanaand hou sy weer 'n bal in die kat

Minuet in Allegretto almal uitgevat

Die Kaap is weer Hollands en die koetswiele rol
En flink draf die slawe om almal te verwelkom
En die mans is so spog'rig, spierwit gepoeier
Die dames praat Frans, al is dit ook krom
	
Minuet in Allegretto en die strykkwartet kom

Nou is die Kaap weer Hollands
Dis die Bataafse vlag wat waai
Nou is die Kaap weer Hollands
Van Graaff-Reinet tot in Tafelbaai

Die Kaap is weer Hollands van die binneland af kom hy,
'n Veer in sy hoed, voor die kasteel in ou Kaapstad
Die burger se veldskoen flap-flap oor die trappies
En hy stap reguit aan tot binne-in die kat

Minuet in Allegretto almal uitgevat

Die Kaap is weer Hollands en die burgers stap nader
Dis 1803, hy stap nader en sien haar
Met 'n swaai van sy hand is sy witkoppie nonna
T'rug op sy perd en die langpad wag klaar

Minuet in Allegretto in die vertes bedaar

Nou is die Kaap weer Hollands
Dis die Bataafse vlag wat waai
Nou is die Kaap weer Hollands
Van Graaff-Reinet tot in Tafelbaai (2x)

Van Graaff-Reinet tot in Tafelbaai

Minuet in Allegretto en sy landgoed wag daar