Gelok is nait te koop per kilo of per pond 
t Ligt nait in t schap bie V&D of bie de boerenbond 
t Zit bie de mulder in de meulen en in de draaiende wieken 
t Zit bie de schilder in het oog bie de kieker in t kieken 
k Leuf, t zit bie de voelen voak in n stok zaip 
Bie mie zit t in de klaaineghaiden mor toch beheurlek daip 
Bie vlinders zit t in zummer en t waaien van de wind 
Bie sadisten zit t in piene en in t jaanken van n kind 
  
Refr.:       
Wel dr aanders over denkt dij mag t  zeggen 
Ik zol t nait waiten hou k t aanders uut mout leggen (2x) 
  
Gelok is nait te koop veur n appel of n aai 
t Ligt nait veur t griepen, je mouten t zulf doun en dat is best wel saai
t Zit bie mien hondje in t strunen en in t zwemmen in de sloot 
Bie d aine zit bie d aander, want d ain zien dood is brood 
k Leuf zit bie de schipper in t voaren over t meer 
Bie mie zit in n laidje moaken veur joe mevrouw, meneer 
Bie vogels zit t in vlaigen hun haile leven laank 
Gounent vinden hun gelok in n auto of in  staarke draank 
  
Gelok is nait te koop veur n joet of veur n knaak 
t Ligt nait bie t pad zoas zoveul of op de grode maarkt 
t Zit bie de joager in het schaiten, bie de hoase in het bukken
Bie de denker in gedachten, bie de rukker in het rukken 
k Leuf zit biede olders in t opgruien van hun grommen 
Bie de mannen dij gek op macht binnen in het gooien van de bommen
Bie scheuvellopers zit in t ies en in de hoge noren 
Het is nait aans, t zit bie elk gewoonweg tuzzen d'oren