Age Van Der Velde

Age Van Der Velde - sloap nou, mien kindje songtekst

Je score:
Sloap nou, mien kindje, och, speul nou nait meer
Zun gong al onder, d'oavend komt weer
Steerntjes glinsteren, t moantje dat lagt
Sloap nou, mien haartekind, sloap nou mor zaacht;

Sloap nou, mien hummel, dou d'oochies nou dicht
t Zaandmantje streut die aal zaand in t gezicht
d'Haile dag hestoe, ja juchterd en lagt
Nou moustoe rusten, kind, sloap nou mor zaacht;

Sloap mor, mien laiverd, ik hôl die bie d'haand
Goa nou mor swaarven in t wondere laand
t Laand van dien dreumen, vol kleur en vol pracht
Sloap nou, mien haartedaif, sloap nou mor zaacht;

Sloap nou, mien engeltje, sloap mor gerust
Mörgen kinst speulen zoveul astoe lust
Nou moustoe sloapen, dat geft die weer kracht
Sloap nou, mien zunnechie, sloap nou mor zaacht;

Sloap nou, mien haartje, mien leven, mien fleur
Sloap nou mor rusteg d'haile naacht deur
Tot weer het zunlicht het duuster verjagt
Sloap mor, mien beudeltje, sloap nou mor zaacht. 


Tekst: J. Legger (n Bonde Riege -1929) 
Muziek: Age van der Velde.
Vind dit lied op:
bol.com
amazon.com

Copyrights:

Auteur: ?

Componist: ?

Publisher: ?

Details:

Taal: Nederlands

Komt voor op: De Tied Ontvlucht (1998)

Deel je mening

Dit formulier wordt beschermd door reCAPTCHA en de Google Privacy Policy en Servicevoorwaarden zijn daarbij van toepassing.

0 Reacties gevonden