Ede Staal

Ede Staal - Genoat songtekst

Je score:
Genoat...genoat...zo klonk het vrouger in de stroaten,
Genoat...k heb mooie dikke, t gaait per kop,
Genoat...as ik ze zai din kin t nait loaten,
Ik neem n stuk of wat in d'haand,
De toavel leeg, op t zwilk n kraant,
En onder t doppen eet k ze aal op.

k Zai hom nog rieden met zien witte jaske,
En op zien kop n klep-pet van formoat,
En in de verte heurde je hom al belken,
En ik noar moeke: heur es, is genoat!
Din mit n kom de deur oet over t brugje,
Doar kwam e aan, moi zee ik, geern vol,
Din zaten wie gezelleg in d'ol keuken,
Wel dat nog mitmoakt het, dij wait woar ik van hol.

Genoat...lutje juweeltjes van de zeeën,
Genoat...was ik mor traauwd mit n zeemeermin,
Genoat...wait ie wat mien olden destieds deden,
De doppen werden altied dreugd,
Ik roek de lucht nog oet mien jeugd:
n Handjevol bie d'hounder in.

Op zundagmiddag even noar Termunten,
Of as k op t Hogelaand bin even noar Lauwersoog,
Din koop ik mie n lekkere zolde heern,
Pak hom bie staartje: kop gaait wat omhoog.
Hai glee noar binne, o man wat smouk e lekker,
Din moutve op hoes aan want t wordt al loat,
En onderwegens t gekwedel van mien Gittje,
Mor in de kaddebak n dikke puut genoat...
Vind dit lied op:
bol.com
amazon.com

Copyrights:

Auteur: Ede Staal

Componist: Ede Staal

Publisher: Marista

Details:

Uitgegeven in: 2011

Taal: Nederlands

Vertalingen: Nederlands

Komt voor op: Mien toentje (1984)

Deel je mening

Dit formulier wordt beschermd door reCAPTCHA en de Google Privacy Policy en Servicevoorwaarden zijn daarbij van toepassing.

0 Reacties gevonden