Gé Reinders

Gé Reinders - 't had gekós songtekst

Je score:
Gans onverwach zoog ich 'n foto van dich
En ich, ich waas 't effe kwiet
Want ich veulde weer dien lippe
En ich rook weer dien haor
Maf he, nao al dae tied
Dien ouge kieke neet in de camera,
Ze kieke eweg nao de gróndj
Maar 't haet nieks verlaeges, nieks besjeies
Want det gek vrek lechske,
Wo ich zo väöl van heel
Det sjpeelt óm diene móndj
Ich höb die foto geklauwd
En mit nao hoes genómme
En aaf en toe bekiek ich ze mit 'n heel klein bietje sjpiet

Want 't had gekós, 't had gekós
Doe en ich, de waereld waar toch van ós
't Had gekós, 't had gekós
Maar 't heel op veurdet v'r ech wore begós

Ich höb gezóch op zolder en ich vónj onnog dae breef daes doe mich op 't
lèts höbs gesjreve
Blauw op wit sjteit in zo'n maedjessjrif: "ik moet alleen verder met mijn leven"
Toen bin ich de kluts good kwiet gewaes
En óm 'm zeuke wo ich 'm zowiezo neet vinje kós,
ging ich op reis

Ich höb gezónge, gezónge
Toet ich zelfs neet meer zinge kós
Euver det gek vrek lechske,
De geur van dien haor
Maar nooit euver die sjtóm dinger die-s doe zeis
Toch höb ich die foto
En dae breef nag in mien plekbook geplek
En aaf en toe bekiek ich ze
Mit 'n heel klein bietje sjpiet

Omdet 't had gekós, 't had gekós
Doe en ich, de waereld waar toch van ós
't Had gekós, 't had gekós
Maar 't heel op veurdet v'r ech wore begós

Ich höb de vrouw van mien laeve
En ich bin zo blie mit waat ich bin
Maar aaf en toe, heel aeve
Kin ich toch 'n bietje weemoedig zin
Dan mein ich
Det 't had gekós, 't had gekós
Ich wo det ich nag neet wis
Waat ich toen neet wós
't Had gekós, 't had gekós
Maar 't heel op veurdet v'r ech wore begós
Want veur dich waar 't get van mich
Terwiel ich dach 't is van ós
Vind dit lied op:
bol.com
amazon.com

Copyrights:

Auteur: ?

Componist: ?

Publisher: Gé Reinders

Details:

Uitgegeven in: 1997

Taal: Duits

Komt voor op: Man van 'n kleine sjtad

Deel je mening

Dit formulier wordt beschermd door reCAPTCHA en de Google Privacy Policy en Servicevoorwaarden zijn daarbij van toepassing.

0 Reacties gevonden