Gé Reinders

Gé Reinders
Eine gek

10.000 miense komme hiej elke daag veurbie
10.000 miense mit häör eige gelök en kloterie
Van deze daag höbbe ze allemaol get verwacht
Maar nooit det, waat dae eine gek haet bedacht

Die 10.000 miense zin allemaol op waeg
En al die ambulances sjtaon noe nag laeg
Nemes wit waem van die 10.000 waerd geraakt
En det allemaol omdet dae eine gek oet is op wraak

Want doa is maar
Eine gek veur neudig
Eine gek is genog
De telefoon geit in de rögkzak
En dae trein vluug door de log
Eine gek is genog

‘n Kleutersjool, ‘n festival nieks kriese ooits meer echt beveiligd
Taege dae eine gek dae meint det zien doel alles heiligt
‘n Discotheek, ‘n supermert, ’n saoterdigse winkelsjtraot
Euveral is ’t sjlaagveldj van dae eine gekke sjoldaot

Jao doa is maar
Eine gek veur neudig
Eine gekke prie
Mit ‘ne UZI op de sjpeelplaats
Guft’r de meister vrie
Eine gek is genog

’t Is gin kwestie van veur taege heur, van Shalom taege Bismilla taege Amen
Door det saort bange haat lup ’t net oet de handj
’t Is ’n kwestie van ’n paar gekke taege os allemaol samen
’n Paar sjtom gekke songer verstandj

En dao doa is maar eine gek veur neudig
Eine gek is genog
Dae vinger duut op ’n knuupke en de bus vluug door de loch
Eine gek is genog
Dao is maar eine gek veur neudig
Eine gek is zat
Hae bepaalt of die 10.000
De daag van heur leave hubbe gehad

Nita

Toegevoegd door Nita op do 07 sep, 2006 6:45 pm

Auteur: Gé Reinders
Componist: ?
Uitgever: ?
Alle teksten en andere informatie over deze groep mag op deze site gepubliceerd worden
Taal: Nederlands

Reacties

CommonCrawl [Bot]

Volg Muzikum