Niks ek gedoan
niks ek bewezen,
stille ek gestoan,
stille zittn wezen.

Hin bitje fanatiek,
ki mie loatn goan,
hin vier hin illetriek 
ki nimmi weg ston.

Olles utgegeven,
oltid overdreven.
Pintjes vo de sossen,
pintjes vo de tjeeven.

Oto's ek gekocht,
fjisten ek gegeven,
oltid tot vandoage 
verre hjil min leven.

Wuk ist er van mie gekom,
wuk ist er gebeurd met min druom?
Olles utverkocht.
Zonder dminste skruom.

Kan een bedde mjir gespreid,
de boane goed utgeleid.
Werkzekerheid, perfect ipgeleid,
rechte voe de golle, hin ofzeit.
Ti de perfecte bolle juiste grjidgeleid.

Kan ni misn, 
moe nie mikn juste pisn 
en toch skiet ek derneffest, oe kostik mie vergissen.

'k Moete min ex-vrouwe mien, 
magge nimmi beln mag eur nimmi zien. 

Stank voe dank, 
ki pertank 
hjillegans betaald voe eur reize, eten en drank.

Tis onworskinlik 
filipinlik, 
z'it olles mee, zels de gordin lik.
Zels de micro wo dak moet in zingn ik, 
ol tebinst dak sliepe ongeluoflik.
Kweetet nog ni mo ti hjil worskinlik, 
zit nieten ier geloaten butn oes kind lik.

Wuk est er van mie gekom,
wuk est er gebeurd met min druom?
Olles utverkocht.
Zonder dminste skruom.

Wuk est er me mie gebeurd?
Te were lange gedeurd.
Goe bedoeling wel.
Mo kben veel te fel.

Wuk hot er van den directeur kom?
Hin kinders mi, hin eigendom.
Wuk hot er nu met em gebeuren?
Overol gesluotn deuren.

Wuk hot er van den directeur kom?
Hin kinders mi, hin eigendom.
Wuk hot er nu met em gebeuren?
Overol gesluotn deuren.

Wuk ist er van mie gekom,
wuk ist er gebeurd met min druom?
Olles utverkocht.
Zonder dminste skruom.

Wuk ist er me mie gebeurd?
Te were lange gedeurd.
Goe bedoeling wel.
Mo kben veel te fel.