Ede Staal

Ede Staal
Mien toentje

Mien waikschilde bonen die komen zo slecht op,
En de sprutters vreten d’aalbeerns op.
Mien vrougen stoan dun en mien sloat schut al deur,
As t zo deur gaait din wordt dat n strop.
Mor mien toentje, mor mien toentje,
Ja dij mis ik nait geern,
Der is altied diverdoatsie veur mie,
Mien waikschilde bonen die komen zo slecht op,
En de sprutters vreten d’aalbeerns op.

Wat is mooier as n hoeske mit n mooi lapke grond,
Wat is beter as de kunstmis, ja, dat wait ie da’s stront,
Van n peerd en n kou, bie mien olden ook de beer,
En as wie hom sneden, ja din zongen wie mor weer...

Vreterij in de woddels en de eerdbijen onder 't roet,
Waalse bonen onder de loezen en de slakken laggen mie oet.
Tutteltoanen en gruin zaip, ja perbaaier t mor n keer,
Wat as of wat zolt, en din zingen wie mor weer...

k Heb spinoazie, ik heb roapknollen, k heb radies en ramenas,
k Heb andievie en augurken en tomaten in de kas,
Ja zo komen wie met zien allen de winter wel deur,
En ankomend joar din gaait de kop ter weer veur...

Bert Hoorn

Toegevoegd door Bert Hoorn op ma 06 maart, 2006 6:11 pm

delightyourears

Laatst bijgewerkt door delightyourears op za 01 sep, 2018 7:03 pm

Auteur: Ede Staal
Componist: Ede Staal
Uitgever: Mollebone Music
Uitgegeven in: 1984
Taal: Nederlands
Beschikbaar op: Mien toentje (1984)

Reacties

CommonCrawl [Bot]

Volg Muzikum