‘k en mien steendam upgekuust, ne was were reedlijk g’arrangeerd
Was me dat toch were koekebakkerie zeg
‘k en dat ol dikwijls ofgemuusd , Oast iedereen die ier passeert
Smiet up mien steendam ol zien smeerlapperie weg

Mien gebeur zien flumen			J’e were tubak zitn prumen
Bloatn van een esdoorn			de facteur zien vesche fringspoorn
En e stroentje				Uut ’t koentje van e noendje
Up mienen steendam
E platgestampt fruutsaptje			E hygienisch laptje
E platte bluschekakker			Uut ’t nest gevoln die stakker
Tuten van sigretten			En olve lunchpakketten
Up mienen steendam

’k en d’rup gewreven en gefrot , ik en d’er dettol up gegootn
mo ‘k gon joen zegn ’t is ol te goare gin avance
‘k en der up gescheurd lik zot, ik en met hogen druk gespootn
‘k zelfs de flikken ingezet voe surveillance

E plume van e duve			E platgetorten druve
E tute zworte rekker			E stiksje van e trekker
E doze in karton				en e upgeblazen ballong
Up mienen steendam
’k un d’r echt nie mi teegn			‘k graakn overstresst
‘k en d’rol e poar keers 			ziek van gewist
‘k en ol e poar keers de scheepn 		Van milieu upgebeld
Mo ne wilt er niet aan doen		omdat’n em toch nie mi stelt

Ik gon ik over moetn goan, Up e drastische remedie
‘k gon e bewakingsfirma in moeten eurn
kan’t er toen niemand da verstoan, Dat is voe mien e wree tragedie
Moen ‘k ik nu heel de prochie voe ’t gerecht gon sleurn

Mien gebeur zien flumen			J’e were tubak zitn prumen
Bloatn van een esdoorn			de facteur zien fringspoorn
En e stroentje				Uut ’t koentje van e noendje
Up mienen steendam
E platgestampt fruutsaptje			E hygienisch laptje
E platte bluschekakker			Uut ’t nest gevoln die stakker
Tuten van sigretten			En olve lunchpakketten
Up mienen steendam
e stiksje viscose				E blekken doze
e stiksje droge stute			en e autorute
e tute frikadelle,				en e stik van e potrille
up mienen steendam
e tekendriehoek				en e brokke van e sexboek
een olve sandale				en e fringpedale
ne velorekker				en e pottelekker
up mienen steendam
reclame voe jeansbroekn			en vulgesnootn zakdoekn
en ‘t schuuflet van e	 more		en e tasse zoender ore
ik kun d’er nie mi teegn			’t et ol van olles up geleegn
up mienen steendam
up mienen steendam
up mienen steendam
up mienen steendam