't Westvlams Gemiengeld Vintekoor

Ik weet nog goed hoe dasse in de pit zat
Eur vriendinne ad’eur vierde kiend g’had
Da was e twodde die mien vrouwe upvrat
Eur batterien woarn lik ommeki heel plat
en toen riep ze

Pietje, pietje, pietje kom ier Ik zien g’reed
Pietje, pietje, pietje kom ier helegans g’reed
Volgns de thermometer goddet goan
‘k en e leutig setje aangedoan pietje kom ier

In ’t begin kostek da wel appreciëren
Ik mocht’n mien vier keers per dag amuseren
Mo de predictor bleef mo mankeren
Ik stelde voorn voer e kiendje ‘t adopteern
Mo ze riep toen

Pietje, pietje, pietje kom ier Ik zien g’reed
Pietje, pietje, pietje kom ier helegans g’reed
Volgns de thermometer goddet goan
‘k en e leutig setje aangedoan pietje kom ier

Ze vroegn up ’t werk worom dank ik zo moe was
dank ik in slape vieln te pas en ten oenpas
dank de gazette zelfs nie heel nie mi uutlas
toen zein ‘k ik ’t komt deur mien vrouwe eur schema’s
ze roep heeltn’t

Pietje, pietje, pietje kom ier Ik zien g’reed
Pietje, pietje, pietje kom ier helegans g’reed
Volgns de thermometer goddet goan
‘k en e leutig setje aangedoan pietje kom ier

toch is ’t gelukt voer eur de stried te doen staken
ik zei je go weer’ olle nuchtnd moetn braken
ej ne buuk go noois mi heel plat geraken
en men ol drie joens dus worom die vierdn nog maakn?
wa peis je

schietje, schietje, schietje kom ier lat et mo zien
schietje, schietje, schietje kom ier ort mo no mien
je go sebiet wel were weetn wa gedoan
os z’ier me kleenjoens voor de deure gon stoan
schietje kom ier
je go sebiet wel were weetn wa gedoan
os z’ier me kleenjoens voor de deure gon stoan
schietje kom ier

Sam_Demeyere

Toegevoegd door Sam_Demeyere op zo 22 jan, 2006 7:32 pm

Auteur: ?
Componist: ?
Uitgever: ?
Alle teksten en andere informatie over deze groep mag op deze site gepubliceerd worden
Taal: Nederlands
Beschikbaar op: Gif Mo Slunse (2005)

Reacties

CommonCrawl [Bot]

Volg Muzikum