Ziesjoem!

Ziesjoem!
loere nao de plefong

och wat waor ’t gezèlleg, och wat waor ’t weer fijn
veer troffe-n-us weer, waore oonderein
en de ein nao de aander reep: sjöd nog ins in!
euzen doors dee heel vol, euzen doors dee heel pin

veer droonke en zoonge, veer hadde plezeer
de ganse zaak sjoenkelde op en neer
meh obbins waor ’t stop
iech voolt aon miene kop
’nen hamel dee howde miech drop

noe ligk iech weer orelaank te loere nao de plefong
’t menneke mèt d’n hamel howde zoonder pardon
iech kom niet mie boete, nein vendaog zeen iech neet de zon
vendaog ligk iech orelaank te loere nao de plefong

gerommel, getrommel, trammelant in de maog
pak e pèlke, dat höllep, meh neet vendaog
bin op zeuk nao get water, griep neve de fles
mien linkeroug kiek in mien rechtertes

toch evekes opstoon, kroep laangsem oet bèd
mieljaar dat is lesteg, mien bein doen neet mèt
meh daan is ’t weer stop
iech veul aon miene kop
deen hamel dee howt miech weer drop

daan ligk iech weer orelaank te loere nao de plefong
’t menneke mèt d’n hamel howde zoonder pardon
iech kom niet mie boete, nein vendaog zeen iech neet de zon
vendaog ligk iech orelaank te loere nao de plefong

tauzefien

Toegevoegd door tauzefien op ma 20 maart, 2006 5:16 pm

Auteur: Jos Van Herpen
Componist: Jos Van Herpen
Uitgever: ?
Alle teksten en andere informatie over deze groep mag op deze site gepubliceerd worden
Taal: Nederlands
Beschikbaar op: de maon (2006)

Reacties

CommonCrawl [Bot]

Volg Muzikum