Boh Foi Toch

Boh Foi Toch
mama gaot now niet naor de bingo

‘t Jong kwam van schole, de tas op de rugge,
Gong boodschappen halen, zo rap at hi-j kon.
Één kilo eerpels en twee karbonaadjes,
Un kleddeken zoerkool, fris uut de ton.
Zien moe had den naomeddag heelmaol verklungeld
En hi-j hef allene ut koaken gedaon.
Onder den afwas dei hi-j manges zingen,
Ut oge gevuld met un traon:

Mama, gaot now niet naor de bingo,
Blief toch vanaovend bi-j mien.
Mama, gaot now niet naor de bingo,
‘kHeb ow vandage nog nauwleks gezien.
Mama, niet naor de bingo,
Want dan blief ik hier zo alleen.
Ik wil in ow arme mien lichaam verwarmen,
Mien lief vuult zo kold as un steen.

‘t Leaven gong wieter, op stevege benen,
Gong hi-j deur de welt, droeg hoge de kop.
Hi-j von ok un deerntjen, ze kregen twee kinder,
Un hond en un auto, ‘t geluk kon niet op.
Moar ‘t noodlot grip altied onschuldege mensen,
Zien vröüwken gong ‘s meddags en ‘s aovends op pad,
Wol vertikaal, horizontaal, heel de kaarte
En hi-j, met de kinder, zi-j zongen vol smart:

Mama, gaot now niet naor de bingo,
Blief toch vanaovend bi-j mien.
Mama, gaot now niet naor de bingo,
‘kHeb ow vandage nog nauwleks gezien.
Mama, niet naor de bingo,
Want dan blief ik hier zo alleen.
Ik wil in ow arme mien lichaam verwarmen,
Mien lief vuult zo kold as un steen.

Now zit hi-j in‘t rösthuus en twee keer per wekke
Komt vrouwlu-j wie’t geerne wat goed wollen doen.
Hi-j lut eur begaon, huld zich van den dommen,
Dut al wat zi-j wilt, vilt niet uut den toon.
Moar ens in de maond, dan doet zi-j an bingo,
Dan is der bi-j um gin hollen meer an.
Hi-j hef alles in de riege en wint alle prieze
En doarnao dan zingt e zo hard at hi-j kan:

Mama, gaot now niet naor de bingo,
Blief toch vanaovend bi-j mien.
Mama, gaot now niet naor de bingo,
‘kHeb ow vandage nog nauwleks gezien.
Mama, niet naor de bingo,
Want dan blief ik hier zo alleen.
Ik wil in ow arme mien lichaam verwarmen,
Mien lief vuult zo kold as un steen.

jan geerts

Toegevoegd door jan geerts op do 27 nov, 2003 1:00 am

Auteur: ?
Componist: ?
Uitgever: ?
Taal: Nederlands
Beschikbaar op: Boekspek (1997)

Reacties

CommonCrawl [Bot]

Volg Muzikum