Kom mensen, kom luster naor wat ik gao zingen
’n Lied over spiet en heimwee en dingen
Die gun ie geen mense en toch is ’t gebeurd
Met ’n man uut Zuudwolde, misschien he’j ’t al heurd

As mecanicien blunk hij nogal uut
Hij warkte overal waor hij hen stuurd weud
Ok in Alabama, in de U.S.
Dat von ‘e ’t mooiste, daor was ‘e wel ’s west

Nao warktied gung hij net collega’s wat eten
Noa ’n paar kaole buds was de hitte vergeten
En toen met de kerels nog deur naor ’n bar
En zoas dat daor giet, alles by car

’n Kroeg vol volk enne lucht van schraol bier
Mar nao ’n half uurtie zee ‘e ’t is mooi west zo hier
Ien van zien maoten die ree met ‘m met
Die zul hij eben henbrengen tot an die zien flat

Veurzichtig an rieden, deur de stikhiete nacht
De highway slingert, daorum rieden ze zacht
Zo opiens bats, ’n barst in de veurroet
’n Hert of ’n hond, ze zagen ’t nie goed

Nao tweehonderd meter, toch eben stoppen
Hij vuulde zien hart op zien allerhardst kloppen
Hij leup terugge naor waor hij de klap had heurd
Mar kon der nie vinden wat daor was gebeurd

Zien huurauto kreeg ‘e nie meer an de praot
Hij heurde sirenes en vort was zien maot
Veur dat ‘e ’t wus had e handboeien an
In ’n sloffe politiecel is ‘e beland

Daor wordt ‘m verteld dat e ’n jongen heft raakt
Die hef ’t niet haald, der word ‘ne moordzaak van maakt
Advocaat adviseerd um te zwiegen as ’t graf
En um rustig te wachten op zien ankommende straf

Nao anderhalf jaor ienzaam veurarrest
Komp hij veur de rechter en geleufd ’t niet best
Zien maot die hij ’n lift gaf getuugt eben tegen hum
’t Dus elks veur zich nou mar hij begriep nie waorum

Hij wordt eben neerzet daor as crimineel
Die zöp en lög en moordt en steelt
De rechter döt uutspraak, dertig jaor vast
In ’n cel in Alabama. Klaor en dat was ‘t

En nou ‘e zit al jaorn daor in het gevang
Met dealers, verkrachters en killers op de gang
Gien uutzicht op niks. Ja op email en brieben
En op dat e der nog jaorn en jaorn moet blieben