op vekansie mèt de leren tram
loupe door ’t limburgs land
op vekansie mèt de leren tram
door de löss en door ’t zand
heuvel aof en heuvel op
langs kepel en koffieshop
wat hei wejt dat is bekind
’ne Frissen wind

op vekansie mèt de leren tram 
höllep dat vèlt nog neet mèt
op vekansie mèt de leren tram
laog iech noe mer in mie bèd
ruuk iech dao noe mien meuj veuj
of de vlaoje vaan die keuj
nein iech weit ’t zeker noe
iech ruuk rommedoe

op vekansie mèt de leren tram
poe, noe geit ’t bergop
op vekansie mèt de leren tram
waor iech noe mer op d’n tóp
joeh! noe geit ’t weer umlieg
renne dat is noe verpliech
ai! dao kump ’n depe kojl
val iech op mien mojl