Ik zien nie oltiet bliede onk ik upstoan
Mien kluchtjes zien nie oltiet even fien
Jaak ik zoen af en toe nog wel durvn ofgoan
Ach ja ne mens kan toch nie oltiet geestieg zien

Ik en soms van die oardige gedachten
‘k vertelle dikwijls reedlijk dwoaze proat
En zie bluuft meestol heel geduldieg wachten
Toet dat’t were overgoat

Want zie gelooft in mien
Z’elpt zie mien stuutjes greed doen onk ik oastieg zien
En z’elpt zie meezoekn onk mien droai nie goed mi vien
Bie neur kun ‘k ik geweun 
Mien zelven zien

Ja zie gelooft in mien
Ol jage’k eur soms wel reedlijk oge in de gordienn
En zienk ik meestol meer te loate dan antiedn
Zie bluuf mien oltiet steun
Want zie gelooft in mien

Ik loop’n nie oltiet schone in de reke
Ik doen zo dikwijls geern mien eign gedacht
En ol deurt dat soms wel langer dan e weke
Zie vult e kruuswoordradsel in en ze wacht

En ol wiln ‘k ik de weireld soms verandern
en loopn’k toen me me kop tegen de meur
zie fluustert toen , kom ier, ik wil’n gin andern
en ik wiln eur

Want zie gelooft in mien
Z’elpt zie mien stuutjes greed doen onk ik oastieg zien
En z’elpt zie meezoekn onk mien droai nie goed mi vien
Bie neur kun ‘k ik geweun 
Mien zelven zien

Ja zie gelooft in mien
Ol jage’k eur soms wel reedlijk oge in de gordienn
En zienk ik meestol meer te loate dan antiedn
Zie bluuf mien oltiet steun
Want zie gelooft in mien

Zie gelooft in mien,k'zien der waarlijks van gepakt zi
zie gelooft in mo gie zie ne zeveraar