wilde nacht
oenrustiege nacht
mien gebeur
ad e zot gedacht
j’e vannacht zien kalkoene geslacht
’t is te zeggen een eddet getracht
want die beeste trok tegen
dat ad’n em toch niet verwacht

wilde nacht
oenrustiege nacht
mien gebeur
moest up jacht
j’ad die kalkoene eerst biekan versmacht
mo z’ed eur toen losgetrokn me vulle kracht
z’is toen weg kunnen lopen
mien gebeur e toen nie geglimlacht

wilde nacht
oenrustiege nacht
mien gebeur e macht
zelfs meer dan dan’k dacht
want ne kreeg toen ulpe van de burgerwacht
ze zochtn heel de nacht achter iedrn oek en in ieder gracht
mo ze voendn ze nie zien kalkoene
pertank j’oorde heeltn’t eur jammerklacht

stille nacht
rustiege nacht
mien gebeur is nog oltn’t
up kalkoenejacht
mor zien beeste stoend ommeki bie mien in ol eur pracht 
k enn ze toen zere bie mien enn oendergebracht
in geen tied lag ze te slapen
en ’t werd toen toch nog ne stille nacht