valla ‘t is were kestdag
‘k gon were weetn wa gedoan
‘k gon wer’ achter kadootjes
up zoek meugen goan
‘k moetn nog zere teegn kestdag
no ’t kruudvat of de fun
ach toffe kadoos koopn
da’s e twot dank ik nie kunn

want sebiets is’t were kestdag
en doarachter nieuwjoar
en dus zitn ‘k ik were 
me mien andn in mien oar

sebiets is’t were kestdag
en ik peizn mien were scheel
want mien kestboomkadootjes
zien nooit nie origineel
oe dank ook proberen
mien kado’s zien ne flop
de menschn kun’t nie apprecieren
en kriegn ze soms ook no mien kop

ja sebiets is were kestdag
en start d’r were e nieuw joar
en ‘kweetn niet wa kopen
ja ‘k en’t were zwoar

joat ’t is were kestdag
en ‘k en nog oltnt niet gekocht
mo ‘k moetn ook wel toegeevn
‘k en ook nog niet echt gezocht
sebiets is ’t were kestdag
da wordt were jammern en vloekn
of meschien moenk lik iedreen
eki in d’n eroshop gon zoekn

ja sebiets is’t were kestdag
en start d’r were e nieuw joar
en ‘kweetn nie wa kopen
ja ‘k ent were zwoar

kopt e poare zokken
voe je voader
of wierookstokken
of e foto koader
gift e flasche cognac
an joen peter
of ne sportzak
of ne rolmeter
gift e riengsje
an joen moksje
of e striensje
of e roksje