twee oogn zo blow
‘k loopn roend lik ne clow
mien kop dobbel dikte en mien oogn schorteblow
twee oogn zo blow

miene moat gienk up reize no birma
ja up reize goan dat is zien leevn
ne vroeg of dank ik somtieds zien Irma
nu en tonne wat eetn koste geevn
nu moej weten dat Irma gin amster is
of een kat’ of e noend of e keun
mo wel degelijk ne koppigen ezel
‘k go joen zeggen j’is echt niet geweun

twee oogn zo blow
‘k loopn roend lik ne clow
mien kop dobbel dikte en mien oogn schorteblow
twee oogn zo blow

nu moej weetn dank ik nie ol te stoet zien
up dat ezeltje van mienen moat
mor mien moat dien zoe gloeiende wroed zien
otn zoe weetn datn maaltiedn oversloat
dus ik zoatn met een heel kleen probleemtje
ik dostn nie bie die beest’ in zien kot
dus bepeisde’k een eigen systeemtje
‘k smeetn eur teetn deur den droad in e pot

twee oogn zo blow
‘k loopn roend lik ne clow
mien kop dobbel dikte en mien oogn schorteblow
twee oogn zo blow

mo dien ezel ne bleef geweun binn stoan
neen die koppiegoard kwam niet nor buutn
van den oenger begostn met zien kop sloan
en toen begost’n en ook nog vreeslijk te tuutn
‘k en ik toen met e stok zitn proberen
voe die pot in zien kot binn te duwen 
‘k wilde’k dat in ‘t heel niet forceren
voe die nezel niet te straf te verschuwen

twee oogn zo blow
‘k loopn roend lik ne clow
mien kop dobbel dikte en mien oogn schorteblow
twee oogn zo blow

achter tien menuutn pramen en proberen
stond die pot nog oltiet niet in ’t kot
en dien ezel mo voortlamenteren
wos met dat nog ne vliemende zot
‘k en toen ommeki ol maneuvreren
Dienen pot ommegekipt met dien stok
Dat dei dien ezel nog oltnt nie boegeren
Ne bleef ie stoan in zien kot lik e blok

twee oogn zo blow
‘k loopn roend lik ne clow
mien kop dobbel dikte en mien oogn schorteblow
twee oogn zo blow

‘k en me stoete schoenn toene angetrokken
Heel verzichtjes dein ‘k ik ’t portje oopn
‘k zien toen stilletjes lik up mien sokken
In dat perk van dien ezel gekroopn
‘k ad e schuppe mee voe te kunn scheppen
Want dat teetn moeste were in die pot
En natuurlijk ook voe te kunn meppen
Most ek angevoln wordn deur dien zot

twee oogn zo blow
‘k loopn roend lik ne clow
mien kop dobbel dikte en mien oogn schorteblow
twee oogn zo blow

En toen toogde dien ezel zien tanden
Ik trokn ommeki wit van ’t verschot
Mien schuppe viel los uut mien handen
En ik struukelde over dien pot
Mor toch zoenk ik nu liefst nie vertellen
Wat datter toen in detail is gebeurd
Lat het uus biegevolg azo stellen
Sedertdien zien mien ogen wat gekleurd

twee oogn zo blow
‘k loopn roend lik ne clow
mien kop dobbel dikte en mien oogn schorteblow
twee oogn zo blow