ik en mien vrouwe eur nieuwe keukn uugesteld
m’en uze reizen voer vande zomer en vandewienter ofgebeld
en ’t noste joare zieme vuventwientieg joar getrouwd
mor ’t wordt doar oogstwoarschienlijk gin feestje roend gebouwd

me stoan in ’t road, me stoan in ’t road
en da verbetert d’er nie up

’t is gedoan met sientnekloai speeln
ik zien mien spaargeld kwietgegrocht
sientnekloai speeln
‘k an beter gin aandeeln gekocht
‘k giengn no de bank omdank mien geld al of wild’aaln
mo ze zeidn menere je go moetn werekomn, me kunn nie uutbetaaln
sientnekloai speeln   (sientnekloai)
gedoan met sientnekloai speeln (sientnekloai)
en angezien datter gin geld groeit up mien rik
moen’k ik nu krempeklootn 
nog joaren an en stik

uuzne joengsten mag zienen psp vergeetn
en ’t is gedoan met olle weke drie keers te gon eetn
m’n uze mercedes verwisselt voe ne ford van tien joar oed
en up de beuze speeln da lat uus voorlopieg helegans koed

me stoan in ’t road, me stoan in ’t road
en da verbetert d’er nie up

’t is gedoan met sientnekloai speeln
ik zien mien spaargeld kwietgegrocht
sientnekloai speeln
‘k an beter gin aandeeln gekocht
‘k giengn no de bank omdank mien geld al of wild’aaln
mo ze zeidn menere je go moetn werekomn, me kunn nie uutbetaaln
sientnekloai speeln   (sientnekloai)
gedoan met sientnekloai speeln (sientnekloai)
en angezien datter gin geld groeit up mien rik
moen’k ik nu krempeklootn nog joaren an en stik

‘k woarn biekan miljonair, mo nu stoan k’ik were up nul
ze zegn dat ol were goed go komn mor dat is flauwekul
meschien moen’k scheen en herbegunn met e rieke weewe zoender joens
ik zitn hele daagn te bleetn en ‘k peeln pertank nooit gin andjoens
ik zien ‘kik deur mien bank nogal reedlijk koed gepakt
ol mien aandeeln zien lik ne potting ingezakt

’t is gedoan met sientnekloai speeln
ik zien mien spaargeld kwietgegrocht
sientnekloai speeln
‘k an beter gin aandeeln gekocht
‘k giengn no de bank omdank mien geld al of wild’aaln
mo ze zeidn menere je go moetn werekomn, me kunn nie uutbetaaln
sientnekloai speeln   (sientnekloai)
gedoan met sientnekloai speeln (sientnekloai)
en angezien datter gin geld groeit up mien rik
moen’k ik nu krempeklootn nog joaren an en stik