ol de bloatn zien bruun
en de lucht zit roar
’t is vulup herfst en kiekt nor mien joens
ze loopn d’ernoar
uldr’oar angt in uldr’oogn
‘k zoender geren in snoein
ulder broeks zien veel te wied, en z’angn up de groend
lat ze mo zer’e scheute groein

ze zegn me voeln uus goed
me draagn nie geern e twot nows
gespierde tettingn in e moate zesenviftig
’t zien juust lik circusclows
ze zegn papa da’s nu mode iedereen lopt nu
met zien kruus an zien knien
mo joentjes toch , mo stikt doar toch e riem’in
ik kun dat echt niet zien

 pwow…..

ol de bloatn zien bruun
en de lucht zit roar
’t is vulup herfst en kiekt nor mien joens
ze loopn d’ernoar
ulder splinternieuwe broek angt in vendels langst de groend
j’ is ol were versleetn
mo stikt doar toch e riem’in
ik moetn da niet mi weetn
mo stikt doar toch e riem’in
ik moetn da niet mi weetn
mo stikt doar toch e riem’in
ik moetn da niet mi weetn

© 't Westvlams Gemiengeld Vintekoor