zit je in de pit ziej olles in zwort wit
voel je gie joen juuste lik neen echtn banana split
’t zoe best kunn dat gie echt midden in joen midlaaifcrisis zit
voel je gie neen drang 
voe ’t zwien eki uut t hang
zit je gie lik juuste in joen eigen lief gevang
’t is goed meuglik daj e bitje van de midlaaifcrisis wit
zoej ne nieuwe oto wil gon koopn
zoej ne nieuwe oto wil gon koopn
wil je weer in jeans begunn te loopn
wil je weer in jeans begunn te loopn
lop je up den deur  overol teegn de meur
want ’t leven is voe joen neen oengelooflijke sleur
’t is verzekers wel de midlaaifcrisis woar daj gie in zit
ziej in stilte an’t peizen voe de wereld roend te trekken
ziej in stilte an ’t dromen van ne harley davidsong
zoej gie geern nog e twodde van de wereld wiln oentdekken
in e grote vier maal viere of zelfs in e luchtballong

dat is typisch roend je veertieg daj eki achter je kiekt
of dat ’t geen da jol gedoan et d’er e bitje toch up gliekt
wost de moeite van te trouwen en van kienders groot te briengn
van een uzetje te bouwn en nog zovele ander diengn
wuffer weg ej ofgeleid en wa zien de volgnde stapn
zoej nie geern nog etwot doen woar dan ze loater van gon klapn

kopt ne koersvelo en ried zere over en twere no d’ardennen
lat je noar groeien en leg et in e grote griesde steert
je meug grust e poar joengere vriendinnen leren kennen
mo goat toch mo nie te verre want zovele is’t nie weerd
ziej nie mi content, met olles daj ol kent
zoek ja achtr’e soorte van e kippevelmoment
’t zoe best kunn dat gie echt midden in joen midlaaifcrisis zit
ej gie lik ’t gevoel, mien leven e gin doel
mien dagen zien ol de zelfste ’t is e reedlijk saaien boel
lop je up den deur , overol teegn de meur
want ’t leven is voe joen neen oengelooflijke sleur
’t is verzekers wel de midlaaifcrisis woar daj gie in zit
’t is goed meuglik daj e bitje van de midlaaifcrisis wit
zoej ne nieuwe oto wil gon koopn
zoej ne nieuwe oto wil gon koopn
wil je weer in jeans begunn te loopn
wil je weer in jeans begunn te loopn
kopt ne koersvelo en ried zere over en twere no d’ardennen
lat je noar groeien en leg et in e grote griesde steert
je meugd grust e poar joengere vriendinnen leren kennen
mo goat toch mo nie te verre want zovele is’t nie weerd
je meugt een dieng een dieng niet vergeetn
dat gon niet bluven deurn
iedereen krieg roend zien veertiegste moej weetn
oltiet wel e bitje zotte keurn
je meugt een dieng een dieng niet vergeetn
dat gon niet bluven deurn
iedereen krieg roend zien veertiegste moej weetn
oltiet wel e bitje zotte keurn