me voardn eki up zee, m’adn e bootje g’heurd voer een eure of twee
dat wos geestieg man, me genootn d’ervan
me voardn eki up zee, voe juust’een eure of twee

’t wos ne boot me ne moteur, ne schonen butenboordmoteur
‘k woare ‘k ik chauffeur, want mien vrouwe adde peur
mien vrouwe adde peur , van die butenboordmoteur
 
’t was zalig up de zee, achtr’ e nende zaagn me gin luus nie mee
en mien vrouwe zei, ik gon zunnebaadn wei
’t was zalig up de zee, en me zaagn gin luus nie mee
 
mor ommeki up slag, ja ommeki lik n’een dunderslag
de moteur krakt’of, en me ne groten plof
zo ommeki up slag, zaagn me dat’n in ’t woater lag
 
doar zoatn me dus up zee, en me wistn’t lik olletwee nie mee
m’adn gin roeispoan mee, allez gow santé
doar zoatn me dus up zee, en me wistnt lik ni mee
 
en ’t moste weerol pasn, van benauwdheid moest mien vrouwe plasn
ik zei gow doe voort, zet je over de boord
dat moeste weerol pasn, me vrouwmens moeste plasn
 
’t was e reedlijk oardieg zicht, ommeki verloor z’eur evenwicht
ze viel in ’t woater met ne ploens en’riep zorg goed voe d’joens, 
ik zei je meugt d’rup reekn da’s mien voaderlijke plicht
 
mo van ze neigens sproeng ‘k ik mee,;en ik pakt’eur bie n’eur decolleté
en me dreeven toen met de stromieng mee
van zen eigens sproeng’k ik mee, mo de golven paktn uus mee

uus bootje wos partie, en wree goed zwem da kunk ik nie
dus ik peisde ‘k ik , ’t is gedoan  fini
ik woare doodsbenauwd, mor an eur toogde’k da nie

toch zien me toen gered, want ne vischr’ ad uus in de goaten get
ne gienk wel an land in Iengeland
m’en van em e lifte get, n’ed uus gunter ofgezet

en wat is nu de moraal, wat is de moraal van uus verhaal
oj wilt bootje voaren up de Noordzeeboaren
daj soms moe werekeern met d’n tring oender ‘t kanaal