me giengn eki up reize no Griekenland
’n acropolis bezoeken
mo dat endigde me vloeken
ja Griekenland ja Griekenland dat werd ne flop
Ik krege doar in ’t Partenon ne rotsblok up mien kop


me giengn toen up safari no Kenia
den jetlag dei uus geeuwn
me zaagn gin olifantn of leeuwn
wat brochtn me uuteindelijk van Kenia mee
ne veel te kleine diareeks en grootn diarree


e poar wienters geleen woarn m’in Oostenriek
me giengn d’er ne lap up geven
mo me zien nie lange gebleven
den eersten dag ol kreeg’nk doar e skistok in mien kruus
den twidden dag vertrok’n ‘k ik dus ol jodeln nor huus


‘k waorn ook eki me ’t vrouwtje in Jeruzalem
me dein doar vele bezoekjes
in de meest verborgen oeksjes
mor een dienk ank met eur toch beter nie bezocht
die klaagmeur et eur dudelijk up ideeen gebrocht


één jartje zien me nie weg gewist
de katte kreeg eur furtn
en z’ad e keese of twee doen sturten
aldus wos ’t er e gat in uuzn salon gebrand
da joar zie’m over en twere gewist no Lederland


me stoendn ooit bie de Niagara woatervoln
een indlijks panorama
mo ’t gebeurde doar e drama
mien vrouwe eurnen splinternieuwen ormeband
ne wos e bitj’ up ’t grotst’ en j’is in d’n dieperik beland


me zien ook ooit eki nor ’t zworte woud gewist
die reize viel in dugen
’t zat e teke an mien te zugen
ik moste doar in duutsland zere no de spoed
doar en ze mien gered toen met e zaksje of twee nieuw bloed


meschien gomme ’t joarend wel nor Island goan
me zien ol an’t verlangn
me gon uus toch were loatn vangn wi
want ook ol emme up reize wel wat pech af en toe
reizn dat is uus leevn, dat graakn me toch nooit moe