tante Martha, ze zwieg zie mo nie
over eur nieuwe heupe en eur woaterknie
ik en dat verhaaltje ol oenderd keren hoort
ik zoen ik liever
noenkel Lucien trekt were oardige froetn
ne zit ie doar were met e stik in zien voetn
ze toenge sloat were hele roend in zien moend
ik zoen ik liever

‘k zoen ik liever
Ik zoen ik liever met ’t vintekoor gon repeteern
‘k zoen ik liever, vele liever
met ’t vintekoor mien amuseern

dat is hier olle joare dezelfste domme proat
dat is hier olle kere over ’t zelfste dat da goat
ik zoen ik liever

me kozen e ze nieuwe mokke mee
en iedreen zit te gapen in eur decolleté
zie ze doar lignn wroeteln in die canapé
mor ik zoen liever
pepe zit vernukkeld in zien zelven te bromn
mor is dat toch ne zotten wereld gekomn
och got toch die familie ku mien echt nie meer bomn
ik zoen ik liever

Ik zoen ik liever
Ik zoen ik liever met ’t vintekoor gon repeteern
‘k zoen ik liever, vele liever
met ’t vintekoor mien amuseern

dat is hier olle joare dezelfste domme proat
dat is hier olle kere over ’t zelfste dat da goat
ik zoen ik liever

Ik zoen ik liever
Ik zoen ik liever met ’t vintekoor gon repeteern
‘k zoen ik liever, vele liever
met ’t vintekoor mien amuseern