ik woarn nooit in ’t leger
ik zien nooit soldaet gewist
ik woarn nooit in ’t leger
mo ‘k en ’t ook nie gemist

ik woarn nooit in ’t leger
ik zoatn nooit in ne Leopard tank
ik woarn nooit in ’t leger
mien ormes woarn te lank

ik woarn nooit in ’t leger
ik en nooit gebombardeerd
ik woarn nooit in ’t leger
‘k en mien nooit gecamoufleerd

ik wilde nie no ’t leger
voe te slaapn in kaki oendergoed
ik wilde nie no ’t leger
want ik kunn nie tegen bloed

ik moeste nie no ’t leger
‘k en mien doar van d’n domn geboard
ik moeste nie no ’t leger
mien geweten was bezwoard

ik woarn nooit in ’t leger
’t schient dan’k ik gin vint zien nu
Ik woarn nooit in ’t leger
da viene ‘k ik wel cru

ik woarn nooit in ’t leger
ik en nooit uut gamellen g’eetn
ik woarn nooit in ’t leger
van beveeln moen’k ik nie weetn

ik woarn nooit in ’t leger
‘k zien d’er schone van oender gemuusd
toch enk ik juuste were uuzne keukenvloer
me neen tandnbustel gekuust