ik droomn niet van e witn kestdag
‘k haat’nt otter sneeuw an mien schoenen plakt
‘k weetn nog goed die latste kestdag dat’r e bitje sneeuw lag
‘k en toen e wree tuumlette gemakt

ik droomn nie van e witn kestdag
ik kunn gin wientepret verdraagn
‘k en ol joarn e litteekn van e snee
dan’k gekreegn en van e joentje met e slee

ik droomn nie van e witn kestdag
ik haatn’t otter joens met sneeuwboln smietn
‘k en de latste kee zelfs geblet
want ‘k en een get woar da’j t als vint niet geren et

ik droomn niet van e witn kestdag
lat het mo droge bluuvn en reegn
ne witte kestdag komt voe mien oltiet heel oengeleegn
‘k wiln ik zelfs up stroate komn doarteegn

ik droomn niet van e witn kestdag
surtoe van de joare meuget reegn
ja vandejoare komt dat zeker oengeleegn
want ‘k zien me kestdag van dienst bie brugn en weegn