Ik en ol jaoren een grote droom
Ik zoen zo geren filmacteur wiln zien
Ik en ol oenderd audities gedaon
Mo niemand wil ’t er mien
Jan Verheyen kreeg van mien
Ol hoenderden cv’s
Mo ne zoekt ie gin acteurs
Ne wilt ie juuste mor bv’s

Filmacteur o filmacteur, Ik zoen zo geren acteur zien
Filmacteur o filmacteur, Ik zoen zo geren acteur zien
A a a a acteueueueur
A a a a acteueueueur

Ik drome soms dank ik Rambo
Up zien aanzichte meugn slaon
Ik drome soms dank ik met Sharon steen
nor bedde meugen gaon
Ik wiln zelfs kieken speeln en Limburgs klappn
In zo film lik Chicken run
Of ne paddestoel speeln in e Plop film
Wie zoet er dat nu toch niet kun?

Filmacteur o filmacteur, Ik zoen zo geren acteur zien
Filmacteur o filmacteur, Ik zoen zo geren acteur zien
A a a a acteueueueur
A a a a acteueueueur

Filmacteur o filmacteur, Ik zoen zo geren acteur zien
Filmacteur o filmacteur, Ik zoen zo geren acteur zien
A a a a acteueueueur
A a a a acteueueueur

Ik zoen zo geren in première gaon
Bie agneske in eur zale
Ik zoen zo geren de kritiek oendergaon
Van dat Kurtje Vandemaele
Ik zoen in Holllywood wiln ontvangen wordn
met de nodige égards
Mo ‘k en voorlopig toch een troost, ik en vier noenkels
En ’t zien olle viere Oscars

Filmacteur o filmacteur, Ik zoen zo geren acteur zien
Filmacteur o filmacteur, Ik zoen zo geren acteur zien
A a a a acteueueueur
A a a a acteueueueur

© 't Westvlams Gemiengeld Vintekoor