Ik en een uusje up de buten
'k en der heel mien leven voorn gespoard
Ol mien zweet zit d'rin en ook e groot deel van mien kluten
en nu is mien uusje zonevreemd verkloard

Ik en een uusje up de buten
't ligt tevuln in de vriedom van de nateur
Mo ik meugn deur ol die wetten en besluten
Zelfs gin nagel nie mi kloppen in de meur

En oln kik mien vinsters zoe wiln verven
Toen zegt de wet ook me wuffer verve dan'k da mag doen
Ochere mien kienders die dat uusje moeten erven
Ze gon nie lachen of 't go zien e bitje groen

Ik en mien dak wiln erleggen
'k woarn begoest up zwort gelakte pann
Mor uuteindlijk adn ze't zieder were voe 't zeggen
Me pann moestn rood zien d'er was gin klappen an

'k durve wedn oln'k mien uusje moest verkopen
An den een of den andern industrieel
Dat den dien dat in de korste keern zoe slopen
Voe d'r e villa up te zetn met e zwembad en e lustprieel

D'er stoat ook e klooster in upgrimbie
't is e klooster die doar feitlik nie mag stoan
En ze peizn zieder zeker dan'k ik sim zien
K'en 't ol lange, k'en 't ol lange goed verstoan