ken eki met mien vriendinne nor de weight watchers gewist
ze zei zie dorvan krieg je nooit gin spiet
zasie zelve in 6 moanden nog nie enen dag gemist
en ze was zie toch ol driekartkilo kwiet
ik zei goed, da's geen probleem mor ik zoen nie geren en
datter dat een twien zoe weetn van mien
toen zei ze oeioeioei dat got verzekers niet goed goan
want den elft van junder prochie goat doar zien

die kilo's die kilo's die kilo's
ik zien nog nooit geen olven gram verlicht
die kilo's die kilo's die kilo's
'k g'raakn ik mor nie up mien streefgewicht

k zien begun' met montignaccen omdat iedereen dat zei
mor ook omdat j'ost olles mocht bluuvn eetn
'k en toen redelik moeten kakken lik dat iedereen dat dei
en 'k moeste dat uuteindlijk nie mi weetn
'k en toen weken aan e stik ollene soepe zitten drienkn
' nuchtends, ' s noens en 's avends,  't was geen leevn
en 'k peisde k'ik verdomme, 'k zien mien lichaam an't vermienkn
’k kun evengoed up soendevoeding leevn

die kilo's die kilo's die kilo's
ik zien nog nooit geen olven gram verlicht
die kilo's die kilo's die kilo's
'k g'raakn ik mor nie up mien streefgewicht

'k en mien redding toen gezocht in olle soorten pillerie
mo dat et ook nie stief lange gedeurd
'k krege draaiingen in mien kop en water in mien knie
en 't wit van mien ogen was verkleurd
'k en mien mage loaten verklindern, potverdikke dat dei zeer
en 'k peisde 'k ik meziele 'k gon hier dood
mo dat wilt mo niet vermindern, dat verslichtert meer en meer
mien hoenger is nog oltiet even groot

die kilo's die kilo's die kilo's
ik zien nog nooit geen olven gram verlicht
die kilo's die kilo's die kilo's
'k g'raakn ik mor nie up mien streefgewicht