De zee
Wo zit mien verstand
Wo zien ‘k ik in godsnaam beland
Zie mie nier liggen ier in breedne
In mien blootn up da strand
Up mien buuk in ’t zand
De zee olleman ligt ier bloot
Ik voel mien e bitje gekloot
Want ik zien feitlik gin echtn naturist
Want ik en of en toe e probleemtje die riest
De zee 
Je meug ier nie in ’t woater 
En niemand verstoat er 
Hoe da da kan
Want oj kiekt 
Oj kiekt no de vischen 
Dedie en toch ook gin zwembroek an
De zee
‘k lign ier nu ol twi euren
te kieken nor blote posteuren
en ‘k durve zegn dat begint te verveeln
‘k zoen liever me broek andoen en petanque speeln
de zee
ik zien e blote madam
’t is lik den achterkant van e tram
dat sloat an mien erte ke kun d’er nie tegen
voe sommigte menschen is textiel toch e zegen
de zee
’t is kluchtieg om zien 
oe dat de menschen mekoar ier bespien
ze zien ier verzekers mekoar ook an ’t keurn
en ’t is ook komiek
ol die vrouwn met uldr’ oar in twee kleurn
De zee 
Je meug ier nie in ’t woater 
En niemand verstoat er 
Hoe da da kan
Want oj kiekt 
Oj kiekt no de vischen 
Dedie en toch ook gin zwembroek an
De zee
‘k lign ier nu ol zes euren
te kieken nor blote posteuren
en ‘k durve zegn dat begint te verveeln
‘k zoen liever me broek andoen en petanque speeln

© 't Westvlams Gemiengeld Vintekoor