me smietn de gebeurjoentjes ol under boln
were geweune over de meur zoender ze kapot te stekn
en omme up stroate e kiendje zien voln
geevn me’t zere als troost e kartje kilo spekn
en omm’ in de Aldi an de kassa stoan
toen loatn me dedie die biekan niet mee en voren goan
en omme de zegeltjes zelve nie spoaren 
toen geevn me ze an de menschen die ze wel vergoarn
oj vraagt wuk dat’r uus ezo omme doe sloan
wel bien uus is’t met de verzeuring voegoed gedoan
       ja bien uus is’t met de verzeuring voegoed gedoan
       ja bien uus is’t met de verzeuring voegoed gedoan


me stoan uze plekke up den tring oltn’t were of
and de menschen die nie mir 100 % te poot zien
me snauwn gin deur an deure verkopers mir of
ook ol weetn me damme sebiet were gon gekloot zien
en zie me e bedeloare an de kant
toen steekn me em minstens e brieftje in zien hand
en vraagt der ne fransman de weg in ’t Frans
toen zegn me nie ier spreekn me nederlans
oj vraagt wuk dat’r uus ezo omme doe sloan
wel bien uus is’t met de verzeuring voegoed gedoan


me zetn uze kienders gin eurn mir in dn hoek
ook ol zien ze af en toe e bitje minder froai
m’aaln noois uze rieme nog uut uze broek
van nu voors speeln m ollene nog sientekloai
ot woater giet zien me nie humeurig
en noois zieme nog overdreevn kieskeurig
en me wordn were lid van verenigiengn
ook ol doen ze doar soms wree onnozele diengn
oj vraagt wuk dat’r uus ezo omme doe sloan
wel bien uus is’t met de verzeuring voegoed gedoan
ja, oj vraagt wuk dat’r uus ezo omme doe sloan
wel bien uus is’t met de verzeuring voegoed gedoan