dank ik zo actief kunn zien
niemand die da kan begriepn van mien
loopn en vliegn en velorien
d’er is niet dan’k ik oentzien
teegn an d’n avend mien of nog spitn
en gat in d’nacht mien kelder witn


dank ik zo actief kunn zien
niemand die da kan begriepn van mien
lid van ‘twolf verenigiengn
hele daagn met dat koor gon ziengn
en tuschendeure elp’n k’ ut ’t vrouwtje ook
met de was en de plas en de striek en de kook


dank ik zo actief kunn zien
niemand die da kan begriepn van mien
vanwoar komt ol die energie
normale menschen kunn da nie
d’er zien d’er zelfs die suggereern
dan’ k ik mien geweun dopeern


mo dank ik zo actief kunn zien
dat is echt gin grote truuk van mien
‘k gon da nu eki verkloarn
woar dat ik de kracht vergoarn
voe d’er zo tegenan te goan
onk ut gon vertelln goj’t wel verstoan


dank ik zo actief kunn zien
da komt geweune deur dat beroep van mien
olle dage an de stoat 
ruste ‘k toet dat’ viere sloat
7 eurn en zesndertieg minuuten
kiekn ‘k ik heel relax nor buutn