Ollemale emme kleene kantjes
Diengn Damme dageliks dikwijls doen in dn duuk
Regelmoatieg zitn me met uus andjes
In dn duuk te schartn an uuznen oenderbuuk

Wat dat bepaalde menschn ook nie schuwen
Dat zien zweern en olle soortn pusterien
Ze niepn doarin voe ze uut te duwen
Meestol ot een ander nie kan zien

Ik zegtn meschien wel reedlijk plat
Mor iedreen krabbelt wel eki an zien gat
En ’s nuchtends rap foeln of datter intje zit
Zo heel kleen wulje in je bukepit

Wien kut der doar niet van genietn
Van neuzekeutelboljes weg te schietn
En stoan je voetn soms vul me blinn
Toen stik je doar toch geern en naaldje in

Zie gie verbrand en ang der veljes an joen rik
Ja ne rik peeln dat gift echt ne kick
Wat datter mien ook fascineert
Daj up ’t toilet joen eign geurn tolereert

Ollemale zitn me heel uus leevn
Te plukn en te peutern te kottern en te klauwn
Uus lief et uus ol vele werk gegeevn
De vinten nie ollene mor ook de vrouwn

En zegt eki ej gie nog nooit joen moatn
Heel verzichtjesweg probeern ’t oentvluchtn
Voer in d’n duuk e puf of twee te loatn
En je derms eki goed ’t oentluchtn

Ik zien nie vies oj da mo wit
Van de koas die tuschn mien tenen zit
Wil ‘k ik de brokn aaln uut mien oorn
Gebruukn ‘k ik doar mien otosleutels voorn

Me doen’t ollemale en ’t is nie verkeerd
’t is instinctief niemand etter da geleerd
’t is heel nateurlijk dat iedereen dat doet
Dat is geweun uus daaglijks kleen oenderhoed