W'an ten achten avvesproken, mo ge stuurt nen sms
Ge gaat er were niet geraken, g'moet nog naar de avondles
Just link dajje da nie wist, gist'ren of de week teveuren
'k Moe ui hand toch nie vasthouwen veur uien agenda in te kleuren?

Zoe't meskien kunnen zijn daj'mij nui al wilt vergeten?
Up geen week en half es de liefde al gesleten

Eek gelijk a'k zegge da't ui nie te veel kan skelen?
Eek gelijk a'k zegge da't geluk weer elders ligt?
Ge wilt meskien ne vent, maar daarom nie per se van Kaster
'k Kan ui maar mezelven bieden, voelt ui nie verplicht

Ik, ik ben ne rapper en ze noemen mij Steven H, ja
't Es uok maar ne name, pint ui daar toch nie up vast
'k Ben uok maar nen tsjoolder, 't è diezelfde Steven H, ja
dertig jaar ervaring in mijzelven zijn, heel den tijd

Ik ben mijzelven, heel den tijd mijzelven
Ik ben mijzelven, ui ben'k zeker nie
Ik ben mijzelven, heel den tijd mijzelven
Ik ben mijzelven, ui ben'k zeker nie

W'an ten achten avvesproken, 'k wa d'r heel up ingesteld
Zeven andere afspraken a'k speciaal nog uitgesteld
Ma, 't ès al goe, doe maar ui goeste, 'k zal kik ier wel liggen creperen
Ga maar uit tot morgennuchtend en probeert ui t'amuseren

Ajje daar ui leute in èt, moej'ui zeker nie inhouden
Voelt ui jong en voelt ui vrij, link die tienduusd and're vrouwen

Eek gelijk a'k zegge da't ui nie te veel kan skelen?
Eek gelijk a'k zegge da't geluk weer elders ligt?
Ge wilt meskien ne vent, maar daarom nie per se van Kaster
'k Kan ui maar mezelven bieden, voelt ui nie verplicht

Ik ben mijzelven, heel den tijd mijzelven
Ik ben mijzelven, ui ben'k zeker nie
Ik ben mijzelven, heel den tijd mijzelven
Ik ben mijzelven, ui ben'k zeker nie