Neat is bliuwend, alles stjert 
alles feroaret, lang om let 
keapje in kaartsje, mis it net 
ja stap op de trein, de trein 

Hyltyd mear, hyltyd grutter 
hyltyd foller, hyltyd hurder 
betink wetten, ferdraai wurden 
en stap op de trein, sûnder ein 

Wat is goed, wat ferkeard 
wat is de priis, wat ha wy leard 
nee gjin minske dy't it gefaarte keart 
de wolfeartstrein, wêr is de ein 

Al wat ik sjoch binne pleatsen yn 'e brân 
as teken fan feroarings yn dit lân 
slaan wy alles samar oer de hân 
fersmite wy ús eigen boerestân 

Ienris wie de boer baas hjir 
de grutte as fan ús mienskip 
wy spylje no in raar spultsje mei him 
hy ferliest hyltyd mear terrein 

Wy ha de takomst hjir yn hannen 
jeie mei prachtige plannen 
oer âlde terpen en fruchtbere lannen 
oan ferfleine tiden komt foargoed in ein 

Gjin tiid foar minsklikens en natoer 
mei de romantyk is it al lang oer 
dongkwotum, twadde tak en automatisearring 
ruilferkaveling, megaparken, sanearring 
projektûntwikkelders, nijbouwiken 
rekreaasje, G.A.T.T.-akkoart, autodiken 
fan wetter lân, fan lân wer wetter 
polityk hartstikke knetter