Eh eh, nee nee, blief af!
Niet doen ha'k ow gezegd of wol i-j straf?
Eh eh, nee nee, loat dat!
A-j nog effen wieter goat, dan bun ik 't zat
Dan krie-j een møhltjen veur ow blote gat

Van ow geboorte, mot i-j al heel vøl leren
Zie leren ow wat wel en wat niet mag
En dan goa-j van eiges dingen uutproberen
Dan sprekken zie ow an op ow gedrag

Dan kump de puberteit met nukken en met kuren
Der verandert vøl en dat vult vaak niet met
Zie luustert niet, zie bunt niet an te sturen
En i-j kriegt ze met gin peerd meer uut hun bed

Eh eh, nee nee, schiet op!
Maak een betjen an en hol de kop
Eh eh, nee nee, kalm an!
Doe toch niet zo hyper
Doar hol ik niet van, maak niet oaveral problemen van

En dan kump de tied, dat zie 's oavens goat stappen
Een deerntjen vindt ow leuk en interessant
Achterop de fietse, noar 't maisland fietsen
De hormonen kriegt dan de oaverhand

Eh eh, nee nee, blief af!
Niet doen ha'k ow gezegd, doe niet zo maf
Eh eh, nee nee, Loat dat!
A-j nog effen wieter goat dan bun ik 't zat
Ik zeg 't an mien pa, den sløt ow plat!