't Waas augustus, 't smeltende asfalt
remde auto's en vrachwages aaf
En ik dach: as ik dao noow aan vashald
Wuurt-e vas ald en is 't messchien
Neet gebeurd, gen krante-artikel, gen graaf

't Waas zomer en schatte van kinder
Hadde dansend op straot môtte zien
Maar sloom dach de stad aan de winter
En neemus wis of-e meus bäöke of zwiége
Of bang zien of kwaod op de pien

Aoh, 't is de schöld van d'n hemel
De schöld van d'n hiër
Ik geluif 't neet miër

Aoh, 't is de schöld van d'n hemel
De zoëvuulste kiër
Ik trek 't neet miër

't Waas werm en neet te doorgrônde
Wie simpel det alles auk waas
Wae beschermp heej de vreeje van zônde
En wae wimpelt alle bezwaore toch aaf?
Is dao eemus? Hallo? Nae, neemus helaas

Net zoë zwart wie 't zwart van de toetse van piano's
Zoë zwart van 't volk zoog 't auk in de kerk
En wie hard de pestoër oét zien book d'r auk veurloos
't Bleef kleurloos, hae lag ôs neet oét wie 't kump
En waorum 't zoë werk, waorum?