aapane yuun hi dillagi ki thi ham to dil ki lagi samajh baithe

aapane bhi hamein na samajhaaya aap bhi to hansi samajh baithe



aapako yaad bhala kya rahata ham to yuun hi mile the raahon mein

dil hamaare mein aap the lekin ham na the aapaki nigaahon mein

kya hua aapane na pahachaana aur hamein ajanabi samajh baithe

aapane yuun hi



pyaar apana to ek tamaasha tha aur ham kud hi the tamaashaayi

aaj divaanagi hamein apani yaad aayi to aankh bhar aayi

jal raha tha vo dil hamaara hi ham jise chaandani samajh baithe

aapane yuun hi