tera chehara mujhe gulaab lage

dono aalam mein laajavaab lage

din ko dekhun to aafatab lage

shab ko dekhun to maahataab lage



roz milate ho par nahin milate

aisa milana bhi mujhako khvab lage

padhata rahata hun teri surat ko

teri surat mujhe kitaab lage

tera chehara mujhe



teri aankhon ki mastiyaan tauba

mujhako chhalaki hui sharaab lage

jab bhi chamake ghata mein bijali

mujhako tera hi vo shabaab lage

tera chehara mujhe



tujhako dekhun to kis tarah dekhun

rukh pe kiranon ke sau naqaab lage

pyaar shaayad isi ko kahate hain

ek mujhase hi kyun hijaab lage

tera chehara mujhe