o taara teraa-mera nahin guzaara - 2

tu thahari gharavaali main thahara banjaara

pyaara tera pyaar hai mujhako pyaara

tere liye gharabaar to kya main chhod duun ye jag saara



mela duniya do roz ka mela

o aataa-jaata yauvan jaise paani ka ik rela

mela duniya do roz ka mela

thaam le bainya mele mein are kaahe phire akela



dhokha mere saath huwa ve ye dhokha - 2

mera ghuunghat khol gaya beyimaan pavan ka jhonka

jhonka main hota kaash vo jhonka

mere haath se nikal gaya hai ek sunahara mauqa



baadal teri aankh ka jaise kaajal - 2

dhak-dhak man ko leke chham-chham baaje teri paayal

aanchal hat chhod de mera aanchal

sach kahate hain premi hote hain thode se paagal



choti meri do gaj lambi choti - 2

baabul ko samajhaayo koyi ab meri umar nahin chhoti

moti mat barasa aankh se moti

ye sabako maaluum hai main huun dipak tu hai jyoti



raani sun apani prem kahaani - 2

hamako samajhaane ko aayi ye duniya diwaani

jaani ye duniya nahin jaani

dil ki aag bujha na paaye saare jag ka paani



nyaara main karati tujhe ishaara

saamane meri khidaki ke jo hota tera chaubaara

o taara kya khidaki kya chaubaara

tod ke sab divaarein ik din hoga milan hamaara