he re kanhaiya kisako kahega tu maiya

ek ne tujhako janm diya re ek ne tujhako paala

kanhaiya kisako kahega



maani maanataayein aur devi-dev puuje pir sahi devaki ne

duudh mein nahalaane ka god mein khilaane ka

sukh paaya yashoda ji ne

ek ne tujhako janm diya ek ne jivan sambhaala

kanhaiya kisako kahega



marane ke dar se bhej diya dhar se devaki ne re gokul mein

bina diye janm yashoda bani maata tujhako chhupaaya aanchal mein

janm diya ho chaahe paala ho kisi ne bhed ye mamata na jaane

koyi bhi ho jisane diya ho pyaar maan ka man to maan usi ko maane

ek ne tujhako di hain ye aankhein ek ne diya ujaala

kanhaiya kisako kahega