Mahal pa rin kita kahit brutal ka kung minsan
Ganun pa rin ako sayo, kahit ka ganyan
Di mo man maiwasan na ako ay saktan
Kahit na pangalan ko di mo na matandaan
Ok lang, basta't ikaw, walang problema
At kahit na kasing ugali mo si Osama
Lahat matitiis, lahat ng klase ng sakit
Kahit lagay ka ng lagay sa 'king buhok ng pandikit
Ako'y walang reklamo sa mga ginagawa mo
Tanggap ko kahit na dumudura ka sa mukha ko
Handang magpatawad kahit di mo hiningi
Kahit na mga damit ko nilalagyan mo lang ng ihi
No matter what you do, ako'y magpapatawad
Sa mundong ito ikaw lang ang walang katulad
Kahit ka ganyan, I will always pray to God
Na when the time comes, sa kanya ka mapadpad

Kahit na ganyan ka sa 'kin
Ang pagmamahal ganun pa rin
Hindi pa rin magbabago
Ang pagtingin ko sayo

Kahit na ako'y pinapakain ng panis
At kahit na ako'y pinipitik mo ng walis
Mahal pa rin kita at di na magbabago yan
Kahit na aking paa ay pagsawaan mong apakan
Babantayan kita hanggang sa 'yong pagtulog
Kahit na ako'y lagi mong hinuhulog
Sa kama, kahit na ayaw mo 'kong katabi
Di na nga ako katabi, sinusuntok mo pa ang labi
Ok ang lahat basta't natatanaw kita
Pag nakatingin ako sinusundot mo ang mata
Pagbibigyan kita kung dyan ka masaya
Heto ang patuloy ko, sinta, na mahal kita
Pasu-in man ng plantsa ang aking balat
Ang kahit ang balat ko, pilit mong tinutuklap
Kahit ka ganyan, I will always pray to God
Na when the time comes, sa kanya ka mapadpad

Kahit na ganyan ka sa 'kin
Ang pagmamahal ganun pa rin
Hindi pa rin magbabago
Ang pagtingin ko sayo

Anong magagawa ko kung ganyan ka talaga
Hindi kokontrahin kung dyan ka masaya
Naaalala pa ang bawat sandali
Na kasama ka at punong-puno pa ng ngiti
Sa C, sa park, sa Luneta at sa Quad
At ako'y pinaglalakad mo nang nakahubad
Ok lang yan, don't worry, sweetie pie
Kahit na ako'y unti-unti mo nang pinapatay
Sa bahay ninyo kapag ako ay napunta
Di muna papapasukin pagwala akong dala
Kahit na ganyan ang aking sitwasyon
Kahit na walang pakialam sa aking kondisyon
I'm loving you still and this love will never end
I'm a real honest man, kailan man won't pretend
Pagibig ay ibibigay at di pagdadamot
Kaya ako nagpagupit para wala ka nang masabunot

Kahit na ganyan ka sa 'kin
Ang pagmamahal ganun pa rin
Hindi pa rin magbabago
Ang pagtingin ko sayo