Ek het geleer die lewe skuld jou min of meer net mooi niks nie
En dat goeie dinge somtyds voor jou deur kom staan
Dat die wat baie praat dalk niks het om te sê nie
En ‘n smile of ‘n warm hand die hele dag kan draai

Ek het geleer om in iets te glo en nie te verloor nie
Om te gee en niks terug te vra as die omgee groei
Ek het die waarde van ‘n sent bepaal en ook die waardeloosheid as dit daal
En dat ‘n honderduisend Rand jou brand om meer te begeer

Maar van die liefde weet ek baie min
Al wat ek ken is ek en jy
Ons kan praat en droom en raaisels maak
Daarteen veg of dit bely
Wat presies gebeur as jou hart verteer
En uitklim uit sy dop
Bly ‘n wonder want jy kan als vergewe en nuut begin
As jou hart reg klop

Ek het geleer dat as jy alles weet jy bittermin verstaan
En dat deur links te draai in plaas van regs ‘n nuwe wêreld oop kan gaan
Ek het gesoek en my pad verloor maar baie meer gekry
Op die onbekende afdraai wat na ‘n nuwe roete lei

Ek het geleer dat die wat baie huil nie die sadste is nie
Die wat die woorde net te maklik sê nie die liefste voel nie
Ek is dalk jonk en moet nog baie leer soos die jare my sal wys
Maar nou is dit genoeg vir my dat jy hier langs my by my is

Maar van die liefde weet ek baie min
Al wat ek ken is ek en jy
Ons kan praat en droom en raaisels maak
Daarteen veg of dit bely
Wat presies gebeur as jou hart verteer
En uitklim uit sy dop
Bly ‘n wonder want jy kan als vergewe en nuut begin

Ek het geleer dat om te luister na goedbedoelde raad
Jou lewe kan red of jou bitter eensaam kan maak
Ek’t geleer om in iets te glo al kan dit jou breek of jou genees
Maar nou is dit genoeg vir my om net hier langs jou te kan wees

Maar van die liefde weet ek baie min
Al wat ek ken is ek en jy
Ons kan praat en droom en raaisels maak
Daarteen veg of dit bely
Wat presies gebeur as jou hart verteer
En uitklim uit sy dop
Bly ‘n wonder want jy kan als vergewe en nuut begin

As jou hart reg klop (5x)