k E t verzeker alsan wel geweten, 
ne mens komt zere dronke
a t ie drinkt in plekke van ‘t eten, 
en da we ‘s nuchtens naar den drank stonken, da kost oens nie
tevele skèlen, 
we stondn maar ip rond d’noene
en de kuisvrouwe ging wel dwèlen,
z’ had toch nie beter te doene.
‘k Weet den best betaalden job es werken,
‘k ben de latsten voe ‘t ontkennen
en den eersten voe ook ip te merken
da ‘k der nooit nie aan ga wennen.

Nu dat ‘t hier al zo simpel nie meer es.
Nu dat ‘t hier al zo simpel nie meer es
lik voe mensen die naar de messe gaan,
snie ‘k min lank haar af,
maar ‘k laat een stesse staan.

‘k Wilde draaien, ‘k wilde nie onstporen,
maar de rails gingn rechtedeure,
haddn de rails een bitje meegebogen, 
vielt er nu niks te betreuren. 
Kameraden dat è je voer het leven,
een lief es maar iets tidliks,
daarom peis ik dat de vrouwe van min leven
ne goe verklede vint es.

Nu dat ‘t hier al zo simpel nie meer es.
Nu dat ‘t hier al zo simpel nie meer es.
Zoe j nie beter rap voe vrouw en kindjes gaan ? Tante Rita è
nog wel nen buggy staan. 

A t er niemand iets van u verwacht, 
kun je nooit niemand ontgoochelen.
Wuk adn ze zidder wel van mie gedacht ?
Da ‘k zonder kiken ginge volgen ? 
Je roots zin iets van toen da j kleine waart,
je moeder smeet ze in ‘t eten. 
Ne keer da j groot zit moe j der nie an peizen, ge moet ze
juste nie vergeten.

‘k Kwam de wereld gisteren tegen ip strate, 
ie vroegt de weg en ‘k zeie "Lustert,
ik ben zelve ook nie van alhier, 
maar ge zijt alleszins nie juste."